港聞

【Emily Online】林鄭開fb?用五星旗照、澄清天主非上帝 原來係假專頁 (19:20)

下屆特首選戰,相信facebook必定係兵家必爭嘅新戰場,今日正式宣布參選嘅林鄭月娥,過去無聽過有開fb,但有人發現上個禮拜fb出現咗個新粉絲專頁,叫「Carrie Lam 2017」,專頁以第一人稱自稱林鄭,計返上星期二依家差不多5日,暫時有超過100人like咗。不過Emily搵過林鄭競選辦團隊求證,佢嘅公關戴健文就證實原來呢個fb page唔係官方開架,咁大家就唔好搞錯啦。

其他報道:唐英年支持林鄭參選 讚有心有力有經驗

睇返呢個老翻林太專頁,封面照用咗張國旗同區旗飄揚嘅相,好容易令人聯想到特首梁振英早前fb做live影旗幟飄揚;至於大頭照就無乜驚喜,只係用咗林太平日出席活動發言相。

呢個新簇簇嘅假專頁出嘅posts唔多,唔少都係轉載其他媒體報道,其中HKG報、HK01同港人港地略略領先,各被轉載2次,其他如立場新聞、眾傳媒等都榜上有名,其中佢轉載立場問最驚邊個做特首嘅投票Post,佢就話會努力令大家改觀,而HKG報報道林太辭職,專頁就話自己定當努力。

假專頁上周亦有提及近日鬧哄哄嘅西九故宮事件,仲寫明「政綱:興建香港故宮文化博物館,弘揚中國文化」,咪住先,中央都未批准辭職點會咁快講政綱呀,實為一大破綻。而日前有報道話林太曾閉門講「上帝叫我參選」,專頁都有扮吓嘢抽吓水,話天主教徒通常用天主稱呼,唔會講上帝喎。

其他報道:明報特首選舉專頁

其他報道:林鄭:23條立法是憲制責任 惟須審時度勢

其他報道:處事手法受爭議 林鄭:做事不可能沒爭議 最大社會利益為依歸 

其他報道:林鄭認曾接觸中央 否認尋求欽點或支持

其他報道:林鄭重申梁振英不競逐連任才參選 為「延續良好政策」 同事朋友皆知自己重視家庭

其他報道:陳茂波、張建宗留班底? 林鄭:下屆政府團隊需注入新血

其他報道:感謝家人從勸退到支持 林鄭回顧36年政務生涯:廉潔奉公、全情投入

其他報道:林鄭宣布參選特首 稱願負重任與市民再創高峰 懇請支持參選

相關字詞﹕特首選舉 編輯推介 林鄭月娥

上 / 下一篇新聞