港聞

【短片:Emily Online】葉劉重回坪石邨探理髮舖水果店 稱當選一定縮窄貧富差距 (21:48)

特首參選人葉劉淑儀今日喺facebook發出貼文及上載咗一條片,話佢番咗去昔日居住東九龍嗰時成日會去嘅坪石邨。

其他報道:【短片:Emily Online】曾俊華冬菇亭歎「男人的浪漫」盛惠50元 稱「不算便宜」

葉太話佢住喺飛鵝山嘅時候,經常會到東九龍洗頭、買衫同買餸,而坪石邨就係佢去得最多嘅地方之一。片段所見,葉太探訪咗坪石邨嘅街坊朋友同埋店舖老闆,包括理髮店、水果店同埋洗衣店。

葉太同水果店老闆傾偈嘅時候,老闆講起屋邨有人口老化嘅問題,令到生意差咗,不過好在領展無收回佢嘅舖頭,如果唔係都唔知道可以去邊度開番舖咁話,仲呼籲葉太唔好將街市畀領展。

葉太就答水果店老闆,話其實佢都支持唔再將街市賣畀領展,仲批評領展「拆骨」賣資產離譜。葉劉太又認為唔可以畀大集團壟斷市場,仲話如果佢當選咗就一定會縮窄貧富差距同共享經濟成果。

另外,葉太亦都去咗理髮店,同髮型師提起昔日佢嘅髮型典故。理髮店職員話葉太依家嘅髮型好睇好多,葉太同師傅講以前叫佢將佢把頭髮電到好爆炸,師傅都記得,仲話葉太嗰時朝早可以慳番整理頭髮嘅時間。

其他報道:【特首跑馬仔】與林鄭月娥大潭行山 陳智思:她非常受歡迎

其他報道:【特首跑馬仔】黃國健:林鄭有承擔責任感、能力強 對曾俊華表現無印象

其他報道:【城巴翻側】車長涉「危險駕駛導致他人死亡」罪名被捕

相關字詞﹕特首選舉 葉劉淑儀 編輯推介

上 / 下一篇新聞