港聞

【短片:Emily Online】3月大警犬BB 開始訓練活潑萌爆 (20:16)

警方警犬隊去年年尾喜事連連,屬於德國牧羊犬嘅巡邏犬Seeker喺9月尾生咗6男3女一共9隻警犬BB,而史賓格獵犬Helen就喺11月中生咗5男4女幼犬。

警隊facebook今日就上載咗Seeker嘅仔仔女女最新片段,佢哋依家已經3個幾月,隻隻都好似好健康活潑,喺片段入面,佢哋喺沙嶺警犬隊總部嘅「狗細界」玩追波仔等等遊戲,非常投入跑不停,而且身手敏捷,相信將來應該會好似媽媽咁,成為警隊好幫手。

根據警隊資料,「狗細界」係專畀警犬隊幼犬邊玩邊訓練嘅地方,提供多項歷奇設施,為幼犬喺未來投入警務工作,做好準備。

其他報道:【西九故宮】網傳告示牌藏故宮貼紙 西九文化區澄清非局方所有:望藝術家清楚說明免生混亂

其他報道:馬鐵八卡列車啟用 有乘客讚指示清晰 有乘客指不便盼統一車卡

相關字詞﹕警犬 動物

上 / 下一篇新聞