港聞

【短片:Emily Online】曾俊華冬菇亭歎「男人的浪漫」盛惠50元 稱「不算便宜」 (18:09)

曾俊華上星期去左Unwire.hk接受facebook live訪問,探訪下startup之外,原來仲去咗黃大仙了解下基層市民嘅生活。

其他報道:【城市論壇】指升級版「長生津」先做好過唔做 梁志祥:林鄭扶貧安老做得好 不擔心跟車太貼

曾俊華覺得公共屋邨周圍都有人情味,兩個幾鐘嘅行程除咗同晨運人士、舖頭老細傾下計之外,曾俊華仲係嗰度嘅冬菇亭食左一份「男人的浪漫」(豆腐火腩飯),感惠50大元。不過睇番曾俊華張食飯相,就只係飲茶,無配到啤酒,曾俊華就喺佢嘅instagram度話聽講過火腩飯最好係配啤酒,但係因為仲有落區嘅行程,所以享受唔到住啦,仲話希望可以有一日再同街坊飲番杯。

50蚊一個飯算平定貴?曾俊華就覺得「不算便宜」。佢仲話食物嘅價格同租金、人工都會有關,要搞好一餐飯嘅話,背後有千絲萬縷嘅經濟問題。如果要令大家有一餐安樂茶飯食下,佢就覺得政府要宏觀咁睇件事,減低企業嘅經營壓力喇。

其他報道:【城巴翻側】多名傷者好轉 危殆轉穩定 城巴管理層今早探望 設援助熱線

其他報道:羅范讚梁振英「做得嘢」但與中央淵源是「原罪」 嘆市民政改遷怒政府

相關字詞﹕特首選舉 曾俊華 編輯推介

上 / 下一篇新聞