港聞

【Emily Online】「新一代堅爆男神」上場 鍵盤顧問蔡騏任法政匯思召集人 (15:22)

由法律界人士組成嘅議政團體「法政匯思」成立咗兩年,噚日周年大會就選出新一屆核心小組,法政匯思喺facebook宣布新消息時,就話今年3個召集人中,將會有一個「新一代堅爆男神召集人」。

其他報道:熊貓BB「倒樹蔥」摔入全球年度照片 攝影師:不利位置帶來最佳照片

原來呢個「堅爆男神」就係鍵盤戰線嘅法律顧問蔡騏!因為「舊男神」梁允信決定唔尋求連任,蔡騏就接咗佢棒。蔡係一名公司法律顧問,佢對資訊科技、知識產權同私隱有關嘅法律都好熟悉,法政匯思形容佢係社運界其中一個被視為既有政策游說經驗、亦對法例草擬過程有一定程度熟悉嘅領袖。

而上一屆另外兩位召集人文浩正同任建峰就會連任,未來一年會致力配合法政匯思嘅領導層更新過程。至於梁允信,會繼續留喺新一屆核心小組。

有人就喺4人嘅合照上留言話「新舊男神絕對係一番激戰!」

其他報道:張宇人評兩熱門 曾俊華了解商界 林太合作關係好

其他報道:拒評林鄭參選 張建宗稱以「好有為」取態做施政報告 籲「拭目以待」

相關字詞﹕編輯推介

上 / 下一篇新聞