港聞

【Emily Online】親子旅行擔挑孭起龍鳳胎 譚文豪轟政府懶理港人生育政策 (21:45)

公民黨「飛機師」譚文豪有一對兩歲半嘅龍鳳胎,梗係明白做父母嘅壓力啦,佢今日參加親子旅行,用擔挑竹籮孭起一對小朋友,仲有感而發,話咪睇佢笑笑口呀,其實孭起一對仔女,一啲都唔輕鬆。

其他報道:【西九故宮】陳淑莊:偷步聘嚴迅奇設計證林鄭講大話 葉傲冬承認董事局沒提公開招標

譚文豪話,最近研究緊政府提出嘅《2030+》規劃研究諮詢文件,睇到人口數據感受特別深。佢話《2030+》以香港嘅住屋容量需容納900萬人嚟規劃,所以要發展東大嶼同新界東北,不過,佢話份報告好理直氣壯咁講,「持單程證來港人士會繼續是人口增長的主要來源」。

飛機師就話,究竟政府未來係為乜嘢人嚟做規劃,質疑政府做咗幾多嘢去處理港人家庭生育問題。佢話,真正鼓勵生育嘅稅務優惠、資助房屋、育兒津貼、侍產假等等,政府就懶懶閒、百般推搪。佢仲話,好多朋友都因為經濟及精神壓力太大,唔敢生小朋友,所以佢未來會多關注生育政策問題,等大家可以安心孕育下一代。

其他報道:收小學生來信祝「步步高升」 曾俊華回信談教育制度 望「港人有尊嚴及盼望地生活」

其他報道:小學生哭訴返學「唞不到氣」 團體不滿「自殺無關制度」報告 吳克儉:持續檢視制度

相關字詞﹕ 譚文豪 龍鳳胎

上 / 下一篇新聞