港聞

【短片:Emily Online】齊齊參觀「棺材房」 胡國興唔夠瞓 葉劉親自試躺:富裕城市一大諷刺 (15:37)

新民黨主席葉劉淑儀同退休法官胡國興,今日喺深水埗出席社區組織協會特首選舉論壇,論壇前佢哋先去一棟唐樓參觀模擬劏房,嘗試瞓入一個大約兩平方米嘅空間,感受「棺材房」生活。

其他報道:下層廚廁上層牀鋪 長趴牀做功課 劏房童獲贈枱椅 終可挺腰溫習

不過,胡官礙於身形問題入唔到「示範單位」,只能坐喺床褥一側。葉太成功入內體驗,仲瞓喺度擺甫士畀傳媒影相,佢形容呢類單位係香港呢個富裕城市嘅一大諷刺,話如果選到特首,真係要努力解決問題,胡官都表示認同咁話。

葉太之後喺論壇話,自己雖然無好似黨友田北辰咁做過「窮富翁」(意指體驗基層生活嘅電視節目),但都有問對方劏房情況,自己素來好關心土地房屋同貧窮問題。胡官就話,感受到港人住房嘅擠迫問題,模擬劏房展示一個階層有血有肉嘅生活方式。

其他報道:收小學生來信祝「步步高升」 曾俊華回信談教育制度 望「港人有尊嚴及盼望地生活」

其他報道:【多圖】港鐵香港站辦故宮「展覽」 自動行人道扶手現「坦克貼紙」

相關字詞﹕編輯推介

上 / 下一篇新聞