港聞

【Emily Online】台北夜試YouBike 朱凱廸批港交通政策側重鐵路汽車 (23:44)

黃之鋒一行人去台灣參加由「時代力量」舉辦嘅論壇,不過論壇未開始就已經引起咗唔少風波,喺香港同台灣機場都遇到親中人士抗議,去到台灣嘅時候仲差少少畀人打添,好彩最後都平安無事。

其他報道:【奪命工傷】稔灣堆填區垃圾車撞斃工人 2歲及4歲兒痛失好爸爸 遺孀無助感徬徨 

朱凱廸同姚松炎似乎無有怕,今日嘅交流活動完咗之後,就出街試用台北嘅YouBike(微笑單車)系統。朱凱廸係佢嘅facebook話台北只係需要幾年就擬定咗一套完整嘅市區單車道同埋公共租車系統,令到香港人十分羨慕咁話。

佢仲提到香港政府嘅交通政策一路都側重於鐵路同埋汽車,仲用唔同嘅理由拒絕喺市區推廣單車。不過好在香港嘅單車友無放棄過,咁多年都仲努力爭取喺東區走廊橋底起一條單車徑,希望成個港島北岸都可以用單車代步,朱凱廸仲話對呢個建議全力支持!

姚松炎就喺佢facebook話考察咗台北嘅單車友善城市設計,認為台北租單車好方便,都踩咗差唔多8公里,仲話台北可以,香港都可以喎。

其他報道:【短片+多圖:西九故宮】港鐵香港站「故宮全接觸」展覽 牆上驚現血紅掌印

其他報道:教局稱會議延長致撞上其他公務 吳克儉轉場與梁振英同出席義工嘉許禮

相關字詞﹕朱凱廸 姚松炎

上 / 下一篇新聞