港聞

【短片:Emily Online】機場遇抗議 黃之鋒嫌示威口號唔啱beat 林飛帆:香港臨記太不專業 (18:19)

香港眾志立法會議員羅冠聰同秘書長黃之鋒噚晚出發去台灣,同行仲有議員姚松炎、朱凱廸,佢哋去到機場時已有幾十個示威者「送機」,大叫「雜種」、「賣國賊」,不過黃之鋒嫌佢哋叫口號唔夠齊,「畀個beat(拍子)嚟」,仲話「臨時演員都係演員!」

其他報道:羅冠聰黃之鋒台灣遭打罵 柯文哲:台是文明社會 大陸須思考為何台灣傾向美國

黃之鋒喺facebook直播抗議場面,示威者拉住大大個紅底黃字、寫住「賣國賊躝出香港,別再回來攪攪震」嘅橫額嚟「送機」,又舉起白底黑字嘅標語,又將一幅黃之鋒改圖擺喺地下踩。一開始示威者七嘴八舌,有個疑似領隊之後指示眾人叫口號,但叫聲仍然唔多合拍,此起彼落。

做慣示威嘅黃之鋒當然唔滿意佢哋嘅表現,叫示威者「大聲啲」、「畀個beat嚟」,疑似領隊好似有所領悟,開始帶頭叫「雜種」,示威者總算跟到拍子。

有網民睇完直播讚示威者道具多多,特登整個紙牌畀之鋒,地位直逼歌神陳奕迅,有人就問點解冇LED牌。不過示威者嘅表現,台灣太陽花學運領袖林飛帆就話,「你們那些香港臨(時)演(員)太不專業,我們台灣的古惑仔才是來真的。兩百個小弟在外面待命」。

其他報道:羅冠聰黃之鋒抵台遇黑衣人打罵 台警加強保護 眾志譴責暴力

其他報道:林大輝願幫政府出半年糧送走吳克儉 要求選特首者承諾永不錄用

相關字詞﹕編輯推介

上 / 下一篇新聞