港聞

【Emily Online:特首選舉】特首選舉臨近 曾俊華葉劉胡官頻落區 (22:41)

仲有差唔多兩個月就選特首,多個特首參選人同潛在參選人不斷落區,接觸唔同界別人士。曾俊華、胡官同埋葉劉今日就不約而同,都有喺Facebook同大家分享下佢哋最近見咗邊個,又傾咗咩嘢咁。

其他報道:男子非禮菲傭罪成上訴 認露械惡心但促官考慮是否涉刑事

曾俊華今日就去咗理工大學,睇下佢哋嘅創科、科技應用同埋教學嘅發展。佢話,教授同佢講嘅嘢好詳盡,令佢覺得上咗一堂「香港創科」,仲多謝理工大學嘅招待添!

曾俊華話,我哋嘅學院有「最優秀的腦袋」,如果可以釋放到佢哋嘅力量,邊度嘅問題都可以解決到咁話,最後仲話「香港地卧虎藏龍,香港人實在毋須妄自菲薄。」

至於胡國興嘅Facebook,就貼文話佢同咗「進步工程」嘅選委會面,會面就討論過政改、23條立法、土地、丁權及棕地嘅問題。佢仲話,落實政策嘅時候最緊要係用人為才,佢仲應承咗工程界嘅朋友會再見面添!

而葉劉淑儀喺Facebook嘅貼文,就以「如何扶助中小企」為題,話中小企面對唔少挑戰,希望可以知道政府可以點幫佢哋。葉劉淑儀就同咗「創科匯」會面,佢話「創科匯」係由一班熱心推動創科嘅專家組成。

葉劉淑儀話,中小企面對唔少問題,申請資助嘅程序又繁複,佢就提出咗幾個對中小企嘅建議。葉劉淑儀話,之後都會約見唔同中小企組織,聽下佢哋嘅意見呀!

其他報道:【短片】車cam拍下事發一剎 的士綠燈下撞翻七人車釀3傷

其他報道:稱社會對故宮館反應正面海外祝賀 林鄭拒絕道歉

相關字詞﹕特首跑馬仔 曾俊華 葉劉淑儀 胡國興 編輯推介

上 / 下一篇新聞