港聞

【短片:Emily Online:西九故宮】鄭松泰指「香港故宮」應DQ 「外國人以為香港獨立咗」 (12:03)

政務司長兼西九文化區管理局主席林鄭月娥今朝出席立法會內會特別會議,接受議員就香港故宮文化博物館提問。部分議員質疑今次公眾諮詢係「米已成炊」嘅諮詢,而熱血公民鄭松泰就特別關注博物館個名,仲直言「值得DQ」。

其他報道:到立會為故宮館解畫 林鄭不回應是否下周四辭職

鄭松泰發言時問到博物館嘅英文名,林鄭月娥就答「Hong Kong Palace Museum」,鄭松泰隨即話改名係政治問題,「民無二王,君無二主,天無二日」,既然講「香港自治、香港自決」都係港獨,「『香港故宮』係值得DQ」,因為個名令世界混淆,「我係一個外國人嘅時候,見到香港故宮博物館會以為香港獨立咗」,故認為博物館個名應該再諮詢。

鄭松泰又問到會唔會同台灣故宮及大英博物館簽署備忘錄,因英國儲存咗紫禁城最多嘅文物,香港作為特別行政區,可以顯示「一國兩制」嘅優越,將中英兩國留下嘅文物盡量展示。

另外,鄭又話呢個項目將諮詢6星期,但盛傳林鄭月娥將喺下星期四(12日)辭職,而西九副主席夏佳理又可能係競選團隊一員,質疑諮詢有咩意義,係咪到時會變成「無人駕駛過程」。

林鄭月娥回應時以「鄭先生」稱呼鄭松泰,指名稱好有意義,係一間香港博物館展出故宮文化,又特別用「館」唔係「院」,唔係用北京故宮用嘅「院」。

林太又話西九文化區每一個設施都會追求國際合作,故宮館都唔會例外,喺現階段諮詢過程中有意見希望同邊個地區嘅博物館合作,當局都會好願意跟進。

對於下星期四辭職嘅傳言,林太就無回應啦。

其他報道:【西九故宮】林鄭稱構思始於2015年9月 自言一貫希望為香港做事

其他報道:【西九故宮】林鄭:公眾諮詢非補鑊非後知後覺 早已計劃及樂意做

相關字詞﹕特首選舉 林鄭月娥 編輯推介

上 / 下一篇新聞