港聞

【Emily Online】胡官南港島線出沒 西環接保育團體請願信 撐市區綠化 (23:11)

發展局前年指出,西環堅尼地城加多近街臨時花園土地受污染,擬開展清拆工程,並興建私人住宅,不過計劃遭一啲居民強烈反對,港島區立法會議員許智峯更試過紮營抗議。轉眼已經一年,守護「加園」聯盟、守護堅城關注組等,今日下午就喺花園舉行街坊野餐集會,紀念爭取保留公園一周年。佢哋更邀請到已宣布參選特首嘅退休法官胡國興到場,接收居民請願信。

其他報道:【多圖:Emily Online】工展會最後一日人頭湧湧 工展小姐出爐

胡官事後喺fb專頁上載於堅尼地城科士街石牆樹嘅照片,話如果市區內可以多啲綠化空間,相信市民都可以得益:「今日路經堅尼地城科士街石牆樹,在天朗氣清的日子漫步於樹蔭下,感覺特別身心舒暢。如果市區內可以有多些綠化城市空間,相信好多市民都會得益。你同唔同意呢?」胡官又喺帖文標籤了「巿肺」、「市區綠化」及「清新空氣」等,強調重視綠化空間。

著名文化研究、政治學學者黃偉國今日喺facebook上載咗一張胡國興搭港鐵嘅相,話喺剛剛通車無幾耐嘅南港島線度見到胡官,相中見胡官精神奕奕坐響座位上,仲識向鏡頭微笑添!唔知胡官除咗去南區之外,有無順便搭多幾個站,去最後一日展期嘅維園工展會,睇下本港市道,聽下小市民心聲呢?

其他報道:明報特首選舉專頁

其他報道:民建聯推「優質民主」 李慧琼指走一國兩制下民主路 反問美總統選舉是否真普選

其他報道:麥當勞明起推新優惠 「10元9件麥樂雞」打頭陣

相關字詞﹕胡國興 港鐵 特首選舉

上 / 下一篇新聞