港聞

【Emily Online】梁振英被批用人唯親 林奮強:同CY唔係好親 (15:23)

元旦日《城市論壇》如常舉行,今日請嚟香港黃金五十創辦人林奮強。佢發言無耐同場嘅毛孟靜就插嘴,林奮強即聲明喉嚨不適,「今日係咪畀其他人講咗嘢先,否則我今日就未必出到聲」。

雖然聲線較弱,但佢立場堅定,節目上多次談及梁振英政府未能推動民生政策,講到點解做唔到時,佢發言時都會帶到香港多年來未有興建新醫院,搞到毛姨姨都大叫「得啦,無起醫院,你講咗4次啦你,真係」,直接話佢離晒題。

當梁振英被批評用人唯親,主持人蘇敬恆問林奮強「你都係佢用嘅其中一個人」,林奮強就回應話自己同對方「唔係好親」,重申對事唔對人做事最好。佢講自己入行會前只見過梁振英兩次,第一次更係二十幾年前,所以「唔係好熟嘅人」。

林奮強又以美國候任總統特朗普為例,話特朗普都任命多名商家做高官,反問係咪用人唯親。同場嘅自由黨陳浩濂則以一句霸氣反駁,話特首應「用人唯才」先啱。

其他報道:談對新特首期望 商界選委批梁振英撕裂香港 林奮強:要咁祥和,不如選聖誕老人

其他報道:指梁齊昕病情差遭梁太批評 李慧琼指有與特首反映 料因有誤會

其他報道:【特首跑馬仔】2017身分改變? 曾鈺成:始終是頂天立地的中國人

相關字詞﹕編輯推介

上 / 下一篇新聞