港聞

【Emily Online】曾俊華盼新年為港帶來希望 葉劉籲市民支持「共創更美好未來」 (09:32)

2017新年伊始,已辭職但仲未獲批嘅財政司長曾俊華,同埋已宣布參選特首嘅新民黨主席葉劉淑儀,都有喺facebook祝市民新年快樂。

葉劉淑儀午夜12點剛過就已經出post,話踏入2017年,「恭祝大家心想事成、身體健康」。佢話過去一年,香港有好多大事發生,民生、經濟、政制發展等都未搵到出路,社會上求變嘅聲音愈嚟愈響亮,佢希望各界可以放低成見,合力解決問題。

葉劉仲話自己上年最開心,就係可以高票連任立法會議員,仲叫大家喺3月嘅行政長官選舉繼續支持佢,等佢可以同大家攜手「共創更美好的未來」。個post至今有逾800人「讚好」,20多個「心心」。

曾俊華則朝早8點幾喺fb出post,用英文話「希望新年為香港帶來希望、信任和團結」,祝香港人新年快樂。個post發布唔夠一個鐘,有超過1100人「讚好」,亦有60多個「心心」。

其他報道:一家上公屋「做贏家」 80後﹕終於可儲錢

 

其他報道:煙花依舊 維港迎變

其他報道:心臟病義師扶持 遊魂童考第一 受助女生媽媽:當她親人

相關字詞﹕編輯推介 特首跑馬仔 特首選舉 葉劉淑儀 曾俊華

上 / 下一篇新聞