港聞

【Emily Online@送舊迎新】fb輸入「新年快樂」放煙花 等住洗版 (10:09)

聽日就係2017年啦!Emily喺除夕晨早搶閘同大家講聲「新年快樂」、"Happy New Year"先!如果大家覺得呢句好「行」,咁,加埋放煙花,大家又點睇呢?

之前facebook已事先張揚話畀大家知,佢又搞搞新意思,等用家喺fb貼文時打上「新年快樂」呢幾個字,畫面就立刻會爆放煙花,今日除夕、聽日元旦,大家就等住睇煙花洗版啦。

其他報道:2016港人滿意發展度差過SARS

Emily今朝一早就試過啦,喺fb動態欄輸入「新年快樂」、"Happy New Year"都馬上有三色煙花出現喺畫面上,雖然只有兩三秒,但氣氛贏晒啦。據講,其他語言都得架,但emily只識中英文,各位語言達人不妨試盡各種語言,再話番畀emily知噃。

其實,只要鋪文中有「新年快樂」呢幾個字,就算前前後後加上其他字,例如祝xx新年快樂,都一樣得架。當個post出街後,「新年快樂」字樣就會以藍色顯示,再去點擊佢時,煙花又會再發放。

除咗自己發文有呢個效果,如果你喺人哋嘅留言度打「新年快樂」都一樣有煙花,不過就只會出現一個煙花,但如果大班朋友一個接個嘅留言,就等於連住放,都好開心架。不過,要提提大家,暫時好似都仲係只有網頁版FB有煙花,手機係冇嘅,如果你試到手機得,記得快啲話畀Emily知呀。新年快樂!

其他報道:【圖輯:Emily Online】2016開心、肉緊、心碎時刻,你記得嗎?

其他報道:【圖輯:Emily Online】回顧2016政治關鍵詞:書店、魚蛋、行李、摸底、DQ……

其他報道:【全球瘋傳】媽媽的粉紅聖誕禮物 女兒以為收性玩具:這除了假陽具,還會是什麼?

相關字詞﹕編輯推介

上 / 下一篇新聞