港聞

【Emily Online】葉劉競選標誌「贏」無「貝」? 曾鈺成拆解:贏唔贏到好有疑問 (16:54)

新民黨主席葉劉淑儀正式加入特首選戰,口號「贏返香港」個「贏」字,以中西合璧方式設計,上半部分是「吂」字,下半部則與英文「win」結合,引起網民討論。立法會前主席曾鈺成亦都喺專欄分析「贏」字由來。

其他報道:24歲男咬前女友臉威脅淋鏹水 被控襲擊及恐嚇 法官建議增控傷人罪

曾鈺成喺《am730》網上視像專欄「字言字語」,用「贏」字由象形文字到楷書嘅變化,拆解「贏」字。曾鈺成話,根據象形文字,「贏」字有個龍頭、一架船、仲有幾支船槳,贏嘅來源係撐船出海執貝殼,執到滿載而歸,視之為「贏」,而「贏」本來嘅意思就係做生意賺到錢。

贏字後來一直簡化,龍頭、龍身得返幾劃,龍個口就變成「月」字,船同船槳變咗「凡」字,不過,「中間呢個貝字係保留嘅,唔少得嘅」。

佢又話,經過篆書演變之後「更加離譜」,將個龍頭同龍身簡化成「亡」同「口」,不過「貝」仍然保留,因為贏唔贏到「錢銀好緊要」。

曾鈺成之後不點名話,近來「有人」用個贏字做競選標誌,「其中個貝字都唔見咗,似乎贏唔贏得到好有疑問」。

【Emily Online】赴中聯辦經濟部副部長歡送會 葉太自言好多廠商老友 無講特首選舉

其他報道:【短片:再揚威】觀塘日落相奪國際獎攝影師 兄妹檔拍片再獲頒日本文部科學大臣賞

相關字詞﹕編輯推介 特首選舉 特首跑馬仔 葉劉淑儀 曾鈺成

上 / 下一篇新聞