港聞

【Emily Online】赴中聯辦經濟部副部長歡送會 葉太自言好多廠商老友 無講特首選舉 (15:15)

已宣布會參選特首嘅新民黨主席葉劉淑儀(葉太),聖誕假都頻頻出席活動,佢噚日就參加各界商會聯席搞嘅中聯辦經濟部副部長楊益榮休歡送會,但就強調無傾到特首選舉。

其他報道:葉劉稱張曉明「叫我做立會主席」 否認意味中央紅燈 籲選委揀人勿看官高

呢個歡送會,各界商會聯席會議60幾個唔同行業商會會長、主席齊集。葉太同Emily講,好多廠商係佢老朋友,而今次係工業界選委沈運龍邀請佢去,但因為噚日有好多活動,所以只係出席咗半個鐘。

佢又話,席間無傾過特首選舉,「因為我喺工業界服務過,同好多工業界都熟,見返好多老朋友,影下相,互祝節日快樂,無傾咩實質嘢」。

問到佢同楊益關係,葉太直指「(如楊益)唔係好熟,我同工業界熟啲」。

沈運龍就喺facebook上載咗今次歡送會嘅點滴,見到佢同楊益一齊食雞髀,亦都有多張相係同葉太合照。佢重感謝楊益多年來支持港商喺內地投資,亦都感謝葉太一直支持中小企同聯席會議。

其他報道:【故宮南下】無招標下拍板建築師 葉傲冬反指「M+及戲曲」是特別做法 楊雪盈關兆倫斥破壞西九精神

其他報道:【故宮南下】林鄭指涉中央若諮詢或尷尬 學者炮轟政治show、官僚廢話

其他報道:【短片:網上熱話】網民拍片直擊大帽山山頭載逾10公斤垃圾營帳 斥無公德心者「不要再行山露營扮親親大自然」

相關字詞﹕編輯推介

上 / 下一篇新聞