港聞

【Emily Online】兵捉賊靠「符碌」? 警察招募廣告引熱議 (23:15)

警隊為咗嚟緊下月中嘅新一輪招募,早兩個禮拜已經開始一連串宣傳攻勢,包括搵一班同袍拍攝一輯平面廣告,喺Facebook、港鐵同隧道口等展示。今次個廣告係一場「兵捉賊追逐戰」,但有眼利網民睇睇吓,竟然有其他發現!

其他報道:【短片:山賊再現】最少兩賊在逃 操普通話疑是偷渡客 埋伏多時等劫婦孺​​​​​

廣告係講一個軍裝警員同一個便衣警員「奪命狂奔」,追緊一個戴住口罩嘅賊人,個重點當然係兩位阿SIR啦,但個賊朦朦地嘅情況下,有網民話驟眼睇,以為有人反追緊軍裝阿SIR;亦有眼利網民就「錯重點」咁,發現便衣阿SIR着住嘅T恤,上面寫住「FLUKE」,意思係「僥倖」,亦即係「符碌」嘅英文,話警方今次拍攝真係唔小心嘞!

另有人形容軍裝警員「腰圍粗壯,走得很吃力」,令人覺得佢追唔到逃犯咁話,但以Emily所知,現實中呢位「軍裝警察」大有來頭,體力超晒班。佢係依家隸屬新界北衝鋒隊嘅楊銘基,舊年7月大埔富善邨發生火警,楊SIR上樓幫手疏散居民,喺33樓發現一個行動不便且失禁嘅老人家,佢就孭住伯伯行樓梯落地下;舊年8月粉嶺有人因欠債企跳,楊SIR一句「你死咗,個仔點算?」就勸掂咗,救返一個家庭喇!

其他報道:【多圖+短片】團體鬧巿做「守軍」紀念75年前香港保衛戰 參與者:港人在戰爭中堅持到底 歷史靠大家守住

其他報道:民陣復辦元旦遊行 主題「主權在民」促撤宣誓覆核

相關字詞﹕ 編輯推介

上 / 下一篇新聞