港聞

下一篇
上一篇

【多圖:Emily Online】曾俊華遊西貢將軍澳 與市民對話感現時做家長難 (19:47)

曾俊華辭職差唔多兩個星期,雖然佢休假緊,但係計落差唔多日日都出街周圍去。今日曾俊華喺Facebook同Instagram上載咗幾張相,話去咗西貢同埋將軍澳食飯,又同市民傾吓計。

其他報道:今冬首發寒冷天氣警告 大帽山已跌至6.7度 明日市區最低12度 新界更凍

曾俊華話天氣咁好,梗係要出去行吓,呼吸一吓新鮮空氣,所以就去咗「香港嘅後花園」西貢,係西貢食咗海鮮又行吓小店。曾俊華喺西貢同賣海鮮嘅市民有講有笑,喺IG留言話「生猛海鮮,大快朵頤」。

食完飯,佢就去咗將軍澳運動場,喺一大片草地上,一邊同年輕嘅家長傾吓湊仔經,一邊又講吓教育同埋工作。曾俊華話,收到好多寶貴嘅意見,仲令佢明白到,依家為人父母真係唔容易呀。

曾俊華上載嘅相就見到,佢仲去咗一間賣果醬嘅攤檔,賣果醬果位仲笑到四萬咁口。唔少得嘅,梗係同市民玩自拍啦,佢仲同其他市民一齊大合照添!

除咗自拍同大合照,曾俊華嘅IG仲見到佢同兩個小朋友,一齊坐喺個空氣咕𠱸上面影相,話係「坐埋同一條船」。曾俊華唔止同小朋友玩得埋,同婆婆都有計傾,仲話有婆婆請佢飲鮮榨嘅石榴汁,話好好味,仲立即買兩支返屋企慢慢飲呀!

其他報道:外傭鮮炸貴價花羅漢魚? 圖片瘋傳惹爭議 網民找破綻斥詆譭外傭:根本是不同魚

其他報道:樂視指英超信號中斷「偶發事故」 方保僑拆解原因:即管睇吓今晚有冇問題

相關字詞﹕編輯推介 曾俊華 特首跑馬仔 特首選舉

上 / 下一篇新聞