港聞

【短片:Emily Online】港鐵拍片教乘客金鐘轉乘南港島線 秘訣係「認住呢隻青綠色」 (23:34)

南港島線仲有兩日就通車,金鐘站由原本嘅三層一下子變到有六層咁多,有唔少同事就問Emily,第時應該點樣喺金鐘轉車,分分鐘蕩失路咁話。

其他報道:陳淑莊批故宮博物館跳過諮詢程序 轟林鄭保密工作言論不可理喻

Emily就注意到港鐵拍咗條片,教大家點樣喺金鐘站順利轉車!如果坐地鐵由港島線或者荃灣線轉乘南港島線嘅話,最緊要就係認住南港島線特有嘅青綠色,落到去金鐘站最底層嘅L6,就可以搵到去南區嘅南港島線列車喇!

至於由南港島線轉乘港島線同埋荃灣線嘅話,就要向上行,坐南港島線落車之後,落車上咗一層之後就會見到指示,如果要坐港島線去堅尼地城方向或者荃灣線去荃灣方向上1層就得,如果係坐港島線去柴灣方向同埋荃灣線去中環方向,就要再上2層喇。

Emily睇完條片之後,就覺得喺金鐘轉車都唔算太難,希望過兩日正式通車,唔會蕩失路啦!

其他報道:空管中心又出事? 兩規劃席位約40分鐘未能修改設定

其他報道:老婦未忘噩夢 日兵按記號入屋強姦

其他報道:【短片】器官捐贈率偏低 高永文指香港「祟尚自由」 無計劃強制捐贈

相關字詞﹕編輯推介 港鐵

上 / 下一篇新聞