港聞

李慧琼指梁齊昕病情差 梁唐青儀批武斷感遺憾 (13:57)

特首梁振英太太梁唐青儀早上出席活動時,主動向記者提及民建聯主席李慧琼上周講述梁齊昕情況一事,直指李慧琼武斷,她對此表示遺憾。

李慧琼上周三(21日)於民主黨劉慧卿網台,談及梁振英以家庭為由不競逐連任特首事件,指相信家庭是梁振英重要考慮,「畢竟齊昕嘅事大家都知、亦好有興趣,齊昕同佢媽媽唔啱亦都係事實,係人都知嘅。據我了解佢(梁齊昕)病情係好差,梁振英作為爸爸,同佢個囡溝通係好好,佢選擇要進一步支持個囡,令個囡盡快康復,我覺得呢個係重要原因」。

事隔數日,梁振英太太梁唐青儀今早出席活動時,主動向記者提及梁齊昕問題,直指李慧琼提及梁齊昕病情武斷,她表示遺憾。

她又說,李慧琼言論只是「一己私下揣測」,「佢唔係好清楚內情,唔應該亦唔係好適當作出咁武斷嘅評價。尤其是嗰位人士、李慧琼議員呢,發表呢個言論之前一個星期,我都同佢共過餐,亦都同佢表達過齊昕嘅健康狀況係好好嘅,我就唔明點解佢會發表一啲咁嘅言論。我從來都無同佢透露過齊昕病情,對於佢用片面認知去下一啲咁片面嘅評論,我對佢嘅言論係表示遺憾」。

問到梁齊昕為何入院,以及是否因政治因素入院, 梁唐青儀都沒有回應。

其他報道:林鄭取消休假 周三再上京

其他報道:西九設故宮館被批欠諮詢 蔣麗芸:幾時開始香港接受捐贈要做諮詢?

其他報道:西九設故宮館被批欠諮詢 董事局成員指上月才知悉 須否諮詢有不同聲音

其他報道:胡志偉:民主黨是泛民中「最不抗拒溝通」黨派 基於港人利益須與中央溝通

相關字詞﹕編輯推介

上 / 下一篇新聞