港聞

下一篇
上一篇

【Emily Online】新同盟鍾錦麟聖誕拉天窗 二創黨口號「愛妻無小事、生B要堅持」 (19:28)

今日為聖誕佳節,唔少市民都外出慶祝,而今個聖誕對新民主同盟區議員鍾錦麟(Ben)就更加別具意義,因為阿Ben揀咗喺今日同拍拖9年嘅女友結婚。唔少泛民政界人物都有出席婚宴,場面熱鬧,不過阿Ben就無搵做開證婚、同新民主同盟有過節嘅鄭家富做證婚,而係搵咗身兼律師嘅民協成員廖成利證婚。

其他報道:【城市論壇】初中教《基本法》增公民意識? 學者憂有反效果:要教一樣嘢,有時會教咗其他嘢!

泛民喺婚宴時齊齊影大合照,有人提議嗌口號,結果佢哋齊聲嗌「我要真普選」。泛民協調平台「民主動力」召集人趙家賢就建議大家嗌「三年抱兩」,身兼民主動力副召集人嘅阿Ben就即席發揮創意,將新同盟口號「民生無小事、民主要堅持」,改成「愛妻無小事,生B要堅持」,相信阿Ben老婆都十分受落。

趙家賢同Emily講,話阿Ben同老婆已經拍咗9年拖,兩人都係嶺大文化研究系同學,而女方現時就做緊行政工作。Emily在此祝一對新人快啲生B。

其他報道:落車扶婆婆片段獲激讚 待長者如親人 救護員:一句多謝已滿足

其他報道:削11巴士線 華貴田灣居民叫苦

相關字詞﹕編輯推介

上 / 下一篇新聞