港聞

【Emily Online】曾俊華平安夜偕妻兒訪母校喇沙 (22:53)

曾俊華最近辭職休假去咗唔少地方,不時同市民玩下自拍,今晚平安夜就返咗母校喇沙書院,同一班師弟一齊唱下聖誕歌。曾俊華仲話,今晚係寧靜嘅平安夜,祝願所有香港人平安。

其他報道:【短片】曾鈺成拍片教英文 Merry Christmas咁樣讀……

曾俊華喺佢嘅Facebook上載咗幾張相,其中一張就同佢老婆曾黃蓮華、兒子曾雕龍及喇沙校監百德修士一齊喺喇沙書院留影。曾俊華亦都有同依家喇沙書院嘅同學仔影張大合照,人多到曾俊華好似要勉強先攝到個位一齊影。當然,開得聖誕Party就梗係要唱聖誕歌啦,曾俊華仲拍埋片比大家,唔知係唔係當唱畀大家聽呢?

曾俊華平時派糖就多喇,今晚仲負責埋分火雞,火雞最後都切得幾靚仔,手起刀落,玩過劍擊嘅佢,手勢似乎相當唔錯喎!難為仲係Office做緊野嘅Emily,見到都流晒口水呀!

其他報道:明報特首選舉專頁

其他報道:吳克儉晤朝鮮總領事倡加強教育交流 網民「嬲嬲」大罵

其他報道:伊院兩月兩產婦血崩死 陳肇始:發布信息有進步空間

相關字詞﹕曾俊華 編輯推介 特首選舉 特首跑馬仔

上 / 下一篇新聞