港聞

【Emily Online】譚文豪平安夜推聖誕版飛行教室 分享過去機師經驗 (20:43)

今晚就平安夜喇,立法會議員譚文豪今晚就喺Facebook推出咗「聖誕版飛行教室」,唔係講三跑都唔係講新空管,今次係同大家分享,佢之前揸飛機點樣過聖誕呀!

其他報道:再搵矛盾對象去旅行 長毛今屆議員揀邊個?

譚文豪話,之前揸飛機嘅時候大時大節通常都要飛,所以都無得正日慶祝,不過,今年做咗議員,反而可以同屋企人正日過聖誕。

佢話佢嘅助理今日問佢,做機師聖誕節有咩玩,佢就話都係戴下聖誕帽,其實無咩特別,仲要加上佢近年都係飛中東線多,所以都無點慶祝聖誕。

不過佢就話,如果飛北美航線有時飛得夠北嘅話,可以係飛機上見到極光!當然,12月有時都會有風雪影響能見度,亦會令跑道變滑,機師就要小心喇!

譚文豪仲話畀各位知,如果飛機要去落雪嘅地方就要做好防冰同除冰,所以飛機出發時會有工程車,噴除冰防冰液幫手融咗啲雪,咁樣可以防止飛機表面結冰,唔係就會影響飛行喇!多謝晒譚文豪,Emily係呢個平安夜長左唔少知識呀!

其他報道:【多圖】紫帽紫領出席童軍活動 梁振英指重視青年發展 與兒童隔欄交流

其他報道:留英港生失蹤3個月 父母赴當地尋子無果

上 / 下一篇新聞