港聞

【Emily Online】曾俊華「飛髮舖」開IG 親拆鬍鬚打理員身分 (18:58)

以往每個星期日,曾俊華都會喺財爺網誌到同市民分享一吓,剛剛辭咗職嘅佢,今個星期日照樣出blog,不過就轉場到自己個facebook帳戶,篇文叫「過海飛髮」,佢大方分享已幫襯咗20幾年嘅心水飛髮舖,話以往星期六朝早一般會返工,唯一係如果要剪頭髮,先會令佢唔返工。

曾俊華話,同老師傅們早已建立默契,除咗點剪,由國際時事到全球經濟都可以傾一餐,令佢更了解市民生活同所思所想,如果唔講嘢,佢就可以完全放空靈魂出竅:「剪完髮後整個人頭腦非常清醒,是我非常珍惜的『禪修』時間。」

佢仲特別介紹佢髮型師Simon,話佢內地來港學徒做起:「憑專業的態度、熟練的手藝和周到的服務,留住一批長情熟客,不單只沒有被時代淘汰,我們這些老顧客,反而害怕他有朝會退休,不知如何是好。」

剛剛開咗Instagram嘅佢,原來都係趁飛髮時下載個程式,曾俊華話,宜家係新舊交織嘅年代,要擁抱新事物、新科技,但同時亦要珍惜一切美好嘅傳統,認為新與舊的交織同平衡,可令生活更加方便之餘,都不失人情味。

曾俊華有鬍鬚曾嘅外號,一抹鬍鬚可說係佢嘅標誌,曾俊華話,個個「鬍鬚佬」都知道整理鬍鬚好麻煩,但慣咗就變成享受:「所以我到今時今日,整理鬍鬚還是不假外求。」

其他報道:明報特首選舉專頁

其他報道:【Emily Online】香港政研會政總搞祝福CY集會 「同習近平握手相」掛曆贈CY

其他報道:【Emily Online】與梁振英最大分別? 葉劉:除佢著褲我著裙 更識掌握民意

相關字詞﹕編輯推介 曾俊華

上 / 下一篇新聞