港聞

下一篇
上一篇

【Emily Online】香港政研會政總搞祝福CY集會 「同習近平握手相」掛曆贈CY (14:56)

特首梁振英(CY)突然放棄連任,令唔少人大跌眼鏡,不過仲有一班鐵桿「梁粉」不離不棄。由一班中青年中產人士組成嘅香港政研會,今日下晝就喺政府總部外面舉辦「送上祝福 說聲感謝 ── 祝福CY集會」,表達不捨之情。

活動有大合唱,主辦方亦特別製作咗一首撐CY嘅主題曲,佢哋又拉起紫色橫額拍片話「送上祝福,撐CY,撐香港,YEAH!」

其他報道:【Emily Online】與梁振英最大分別? 葉劉:除佢著褲我著裙 更識掌握民意

香港政研會重喺facebook上載多張照片,見到民建聯議員柯創盛幫政研會,親手送上寫滿CY任內成就嘅「政研掛曆」,CY都有現身親手接過,Emily睇番呢份禮物,上面嗰版貼咗大大張國家主席習近平同梁振英嘅握手相,下面嗰版就畫咗隻雞,話要「金雞報福」。

香港政研會強調,CY有強大民意支持,只係有啲人一直存心抹黑,所以要藉呢個機會畀香港人睇到「回歸以來最受擁護的特首是CY」,又話餘下6個月會一路隨行CY。

翻查資料,「掛曆」上面嗰張梁振英同習主席握手相,應該係今年11月底喺秘魯利馬拍攝,當日梁振英重同習主席會面咗45分鐘添。

其他報道:【新空管系統】《大公》轟「識少少扮代表」損港航空中心聲譽 譚文豪:喺香港人生命同航空安全之前,聲譽有咩重要?

其他報道:【特首跑馬仔】自言曾跟「民主大師」學習勝其他參選人 葉劉:近10年「一步一淚水」

其他報道:警助理指揮官涉性騷擾女警 觀塘警署派對被指攬腰掃背 男警阻止遭拳擊

相關字詞﹕編輯推介 梁振英

上 / 下一篇新聞