港聞

下一篇
上一篇

【Emily Online】要搵男朋友? 葉太:講笑啫,進修時堂上作故仔 (15:37)

宣布會參選特首的葉劉淑儀向來畀人「硬淨」形象,佢今朝接受傳媒專訪時,被問到少見佢有笑容,葉太就話唔應該將一場重要選舉變為微笑比賽。至於感情生活,佢就直言「too late(太遲了)」,唔再諗拍拖嘅事。

其他報道:明報特首選舉專頁

葉太自從前日宣布參選特首之後,呢兩日頻頻接受各方採訪,一日連踩多場。佢今朝又上電視台,又喺報紙facebook專頁做直播訪問。

佢接受《南華早報》fb直播訪問時,主持人提到佢一向畀人鐵娘子嘅印象,大家未見過佢溫柔嘅一面,亦少見佢有笑容;葉太就話,佢唔想亦認為唔應該將一場咁重要嘅選舉變為微笑比賽,又話當然自己可以應大眾要求而笑多啲,但而家係要選舉一位帶來真正改變、好嘅改變嘅領袖。

葉太之後又講到自己一路走來嘅背景,話自己係至今唯一經歷過起起跌跌、面對過失敗、由痛苦經驗中重新出發嘅參選人;又話相對仕途順遂嘅政務司長林鄭月娥同已請辭嘅財政司長曾俊華,自己嘅起跌比佢哋兩個多。

主持人又關心到今年66歲嘅葉太嘅感情生活,話葉太曾經講過要搵男朋友,葉太馬上就話,嗰個係講笑嘅啫,話嗰時佢喺美國史丹福大學進修,有一堂日文課要寫關於男女朋友嘅文章,佢於是就「作故仔」。

咁係咪仍然對戀愛持開放態度抑或準備疊埋心水呢?葉太就話「too late(太遲啦)」,自己已過咗浪漫嘅年紀,亦有好多有意義嘅工作。

相關新聞:

葉劉:下任特首只做好人是不夠的 自言經歷起跌比林鄭曾俊華多

葉劉稱未見欽點讚選舉有進步:呢個好事嚟

指23條立法助改善與中央關係 葉劉:澳門做咗,幾和諧

與曾俊華分別? 葉劉:我讀經濟多過佢 指「量入為出」好有問題

相關字詞﹕編輯推介 特首跑馬仔 特首選舉 葉劉淑儀

上 / 下一篇新聞