港聞

【Emily Online】面對質疑 劉國勳隨手拿出數十國旗:愛國愛港議員隨時備好國旗區旗是常識吧 (12:03)

熱血公民鄭松泰喺10月立法會大會期間,因為倒插建制派議員枱面上嘅國旗同區旗,畀謝偉俊動議譴責。立法會周三(14日)大會討論有關議題嗰陣,民主黨議員尹兆堅話建制派口講對國旗珍而重之,但唔見上次擺喺枱面嘅國旗,質疑係咪已經遺棄咗。不過阿尹一講完,民建聯議員劉國勳就即刻拎住幾十支小型國旗入會議廳,證明有好好保存,其黨友周浩鼎亦馬上反駁尹兆堅,話咁樣證明佢哋對國旗珍而重之。

事件引起網絡熱論。劉國勳第二日(15日)都有喺facebook回應事件,話「愛國愛港議員隨時備好國旗同區旗係常識吧」,又特別標籤「#點會被拋窒」、「#早有準備」。

有網民留言讚劉國勳「叻仔」、「做實事」,但亦有網民要求劉議員跟進愛國愛港陣營多次大型活動後,有參加者將國旗同區旗丟喺街上同垃圾桶事件。

其他報道:指23條立法助改善與中央關係 葉劉:澳門做咗,幾和諧

其他報道:葉劉稱未見欽點讚選舉有進步:呢個好事嚟

其他報道:涉與《大公報》記者爭執 梁天琦昨被捕已獲釋

相關字詞﹕編輯推介

上 / 下一篇新聞