港聞

下一篇
上一篇

【Emily Online:包圍校委案】李國章續作供 與李柱銘、裁判官庭上相認:我哋都係港大嘅 (11:23)

港大校委會今年1月決定延遲成立研究港大管治嘅專組,會後校委會主席李國章等人被學生包圍,時任學生會會長馮敬恩及外務副會長李峯琦被起訴。李國章今日繼續出庭作供。

其他報道:李國章指示威者圖將其拉跌 稱當晚「我一個對百幾個」

代表兩個被告嘅資深大律師李柱銘盤問李國章時問到:「校委會係咪個個英文都好叻?」點知李國章無直接答問題,反而爆咗句:「我哋係港大嘅。」真係港大畢業嘅李柱銘就回應:「咁我都係港大嘅。」就連主審裁判官高偉雄都忍唔住插嘴:「我都係港大嘅。」

大家相認完一輪,李柱銘最後都戴番個頭盔,順手抽抽水:「不過我唔敢話我哋港大個個英文都好叻。」 

其他報道:李國章李柱銘談笑 官:勿太多「朋友式對話」

其他報道:形容03年辭職至參選特首是「臥薪嘗膽」 葉劉不憂被揭黑材料:搵唔到男友無緋聞

其他報道:【Emily Online】重用立會選舉口號好環保?葉太:好嘢唔怕再用

相關字詞﹕法庭 編輯推介

上 / 下一篇新聞