港聞

【Emily Online:葉劉選特首】用返立會選舉口號好環保?葉太:好嘢唔怕再用 (08:53)

新民黨主席葉劉淑儀昨宣布參選特首,競選口號就用返佢9月參選立法會時嘅「贏返香港」(Win back Hong Kong),被揶揄「好環保」,仲有以藍、紅兩色嘅標誌亦遭大量改圖創作,如「亡返香港」。

其他報道:葉劉參選首務處理房屋經濟 指政府理財保守 誤解量入為出 暗批曾俊華「掌櫃」

一出選就惹來「公關災難」,葉太今朝出席商台節目就解釋,佢參選立法會議員落區時,「贏返香港」呢句口號好受歡迎,每張單張都係講呢個主題,有人睇咗,就叫佢選特首,因為「贏返香港」嘅水平要為到整個香港做嘢,所以葉太就覺得「好嘢唔怕再用」。

其標誌嘅「贏」字被分拆為「亡+口」及英文「win」來書寫,有網民就指出「亡+口」這個字的粵音為「亡」,有「不肯之聲、老年遲鈍」之意,網民仲出現大量改圖創作。被問到「亡」係咪預料之內,葉太就話標誌設計外判咗畀年輕人做,佢自己就好鍾意紅撞藍,因為呢兩隻色喺外國都係一啲政治顏色,仲話覺得有個心幾靚,但無諗過中文字會變到咁。

葉太又話團隊對網上反應都好有興趣,會交由設計師考慮使唔使改。

其他報道:明報特首選舉專頁

其他報道:葉劉選舉標誌遭惡搞

其他報道:多前高官撐葉劉 主要政黨皆缺席

相關字詞﹕特首選舉 葉劉淑儀 編輯推介

上 / 下一篇新聞