港聞

下一篇
上一篇

【Emily Online】囚友製紀念品 「Q版垃圾桶」賀聖誕 (00:18)

下個禮拜就係聖誕節,Emily開始收到唔少政府官員嘅電子聖誕卡,而懲教署嘅電子卡特別有意思,除咗例牌嘅聖誕老人同聖誕樹動畫外,重點係卡裏面有條短片,介紹佢哋院所在囚人士製作聖誕紀念品嘅過程,包括薑餅人公仔、聖誕花掛飾等。

其實,懲教署唔同院所有唔同嘅工場,用嚟訓練囚友唔同嘅職業技能,有布藝訓練、整餅等餐飲訓練,而Emily收到嘅電子卡,就係赤柱監獄圖像工場製作嘅。呢啲訓練係畀囚友他朝重獲自由後,可以多項技能重投社會。

除收卡外,懲教署長邱子昭仲送咗啲製成品畀Emily,包括曲奇餅、朱古力,而最得意嘅就係一個Q版垃圾桶。唔講唔知,依家喺街上嘅食環署橙色垃圾桶,原來係懲教署製作嘅,Emily早前應懲教署長邀請參觀喜靈洲嘅懲教院所時,就見到囚友整緊垃圾桶。

其他報道:接納葉劉辭行會 梁振英讚貢獻良多

其他報道:指葉劉喉住老闆份工早應辭職 田北俊:建制選委揀人提名難過揀特首

其他報道:醫管局通過調整收費 急症室加至220元 待食衛局拍板

相關字詞﹕編輯推介  emilyonline

上 / 下一篇新聞