港聞

【短片:Emily Online】被問推廿三條令自己形象差 葉劉:希望多啲公關顧問美容顧問畀意見 (20:01)

今日葉劉淑儀就宣布選特首,選特首除左政綱之外,參選人着咩衫都係好多人嘅焦點,正如之前曾俊華戴條綠色呔,都係咁被人問係唔係暗示綠燈,今日葉劉成身都綠色,自然都會有記者問啦。

其他報道:葉劉:香港現比何時都更民主 很大證據顯示兩制在一國下運作漸趨穩健

記者問葉劉一身綠色衫有冇咩野特別意思時,葉劉就話其實今日着綠色衫無咩特別意思,都係覺得綠色靚姐,仲即席問大家「靚唔靚呀?」葉劉之後就解釋綠色代表柔和、環保、健康,覺得係一個好好嘅顏色咁話。

除左佢嘅衣着之外,都有記者對佢嘅形象好有興趣,記者話佢當年推廿三條令到好多市民特別係網民,都對佢有個唔太好嘅印象,問吓佢有冇計劃改善自己嘅形象。葉劉就話,形象永遠都有改善空間,希望如果記者有建議都可以提供俾佢,更同公關同美容界人士招手,話希望有多啲公關顧問同美容顧問畀意見佢喎!

其他報道:【葉劉選特首】葉太仕途打拚十大金句

其他報道:【葉劉選特首】政綱:以「831」決定為基礎重啟政改 為廿三條立法

相關字詞﹕葉劉淑儀 特首選舉 編輯推介

上 / 下一篇新聞