港聞

下一篇
上一篇

【Emily Online】包圍校委案開審 主控官問是否退休講座教授 李國章:我係榮休教授 (16:18)

港大校委會今年1月決定延遲成立研究港大管治嘅專組,會後校委會主席李國章等人被學生包圍,時任學生會會長馮敬恩及外務副會長李峯琦被起訴。李國章今日下午出庭作供。

其他報道:馮敬恩認兩罪但否認刑事恐嚇 李國章下午出庭

李國章喺出庭作供時,裁判官同主控官都稱呼李國章做「李教授」。其間主控官問佢係咪中大外科學系退休講座教授嘅時候,李國章就立即更正:「我係榮休教授。」

Emily就記起,李國章對於「教授」嘅稱呼比較着緊。2014年佔領運動前,大專院校醞釀罷課,當時中大學生會同身兼行政會議成員嘅中大前校長李國章展開隔空罵戰,由於李國章提出罷課學生可以退學嘅言論,惹來學生會不滿,仲發出公開信要求李道歉,信中稱呼佢做「李先生」,李國章當時回應傳媒時就話,學生唔應該叫佢「李先生」,因為佢係「教授」,不過時任學生會會長張秀賢就話,唔稱呼李做「教授」,係因為覺得「佢唔配」。

其他報道:林鄭出席數學頒獎禮 陳啟宗笑言可幫忙計算機率 林太稱要諗無限

其他報道:4議員資格覆核案2月初聆訊 暫定審兩日

相關字詞﹕編輯推介 李國章 港大校委會 馮敬恩

上 / 下一篇新聞