港聞

下一篇
上一篇

【短片:Emily Online@葉劉選特首】新民黨兩男子撐場 田北辰預祝明年退黨成功 史泰祖回憶兩人經歷「好辛苦」 (16:34)

特首選戰日日有新進展,繼退休法官胡國興噚日宣布政綱後,今日就到首名宣布入閘女將葉劉淑儀舉行記者會,宣布參選兼介紹政綱,新民黨兩大男高層當然現身撐場,其中新民黨副主席田北辰就話同葉太2011年創黨至今「我哋行咗一條好長嘅路」,讚佢「廉潔奉公、盡忠職守」,仲話唔識葉太嘅人可能唔覺,但佢自己形容葉太「坦率得可愛、堅持得可敬」,而呢啲就係未來特首最需要嘅特質。

其他報道:明報特首選舉專頁

田北辰仲提起有人傳佢想退黨,佢話唔想回應無謂揣測,但佢問過葉太有無信心出年3月退黨(勝選當特首),葉太就話有,田二少就話祝葉太退黨成功。

創黨元老史泰祖發言前先自稱係葉太嘅「長期忠實支持者」,佢話噚晚被要求今日講吓同葉太有咩難忘經歷,諗諗吓就記起2006年同葉太「首次約會」,當時兩人同一班朋友一齊去社企撐場,傾開香港問題,一個午餐就改變咗佢過去10年從政方向。

史泰祖話自己跟葉太學到好多嘢,去到2008年兩人仲同一張名單參選,最終奪得6萬票,「辛苦嘢最難忘」,話最記得當時有一次葉太叫佢一齊去薄扶林山見吓市民,佢好辛苦朝早6點幾到,點知葉太已經到咗,而競選期間馬不停蹄,好辛苦好肚餓時,葉太都只係同佢喺街邊食碗雲吞麵又出發。

史泰祖仲爆咗一件離奇事,話縱使選舉時好辛苦,但葉太仲有時間去健身,「都無半條人命,仲做gym,葉太你真係鐵打架,咁香港事實上呢今日係需要一個鐵娘子,相信大家都同意」。相信史醫生真係覺得當時好辛苦,Emily粗略計,佢最少講咗5次好辛苦。

相關新聞:

田北辰:葉太坦率得可愛、堅持得可敬

葉太盼贏返香港:在此關鍵時刻,我決定參選

葉太仕途打拚十大金句

政綱:以「831」決定為基礎重啟政改 為廿三條立法

葉劉淑儀競選網站列9大政綱 包括重啟政改諮詢、重組政府架構

競選團隊曝光 鍾逸傑盛智文任特別顧問 競選辦主任缺席記者會

葉劉記者會背景板現「贏返香港」

葉劉晤特首辭任行會 指梁提醒未來數月或有突發事件

相關字詞﹕編輯推介 特首跑馬仔 特首選舉 葉劉淑儀

上 / 下一篇新聞