港聞

【短片:Emily Online】被質疑國旗放喺邊? 劉國勳即手持數十國旗入會議廳 周浩鼎:我哋珍而重之 (02:30)

熱血公民鄭松泰喺10月立法會大會期間,因為倒插建制派議員枱面上嘅國旗同區旗,而遭謝偉俊動議譴責。噚日立法會大會討論有關議題時,民主黨議員尹兆堅質疑,建制派上次擺喺枱面嘅國旗去咗邊,係咪已經被遺棄。阿尹一講完,民建聯立法會議員劉國勳就即刻拎住幾十支小型國旗入會議廳,證明有好好保存、珍而重之。

唔少網民曾經嘲笑同瘋傳,愛國愛港陣營喺多次大型活動後,參加者將國旗同區旗隨手丟喺街上同垃圾桶嘅相片。尹兆堅噚日喺會上都質疑建制派議員,指佢哋口講對國旗珍而重之,「依家啲國旗放咗喺邊?」

點知無幾耐,劉國勳就拎住幾十支小型國旗,笑笑口行入會議廳,其黨友周浩鼎就立即反駁尹兆堅,證明佢哋對國旗珍而重之。

其他報道:謝偉俊動議譴責鄭松泰倒轉國旗區旗 陳志全提動議阻行動

其他報道:【Emily Online】動議唔理謝偉俊譴責鄭松泰議案 慢必:國旗放低都唔得,要珍而重之直到佢自然分解?

相關字詞﹕編輯推介 國旗

上 / 下一篇新聞