港聞

【Emily Online】CY伙問責官員接種流感疫苗 籲市民及早準備 (00:52)

冬季流感高峰期就嚟到,特首梁振英噚日聯同幾個問責官員接種季節性流感疫苗,呼籲市民及早準備,應對冬季流感高峰期。

除咗梁振英,署理財政司長陳家強、勞工及福利局長張建宗、政制及內地事務局長譚志源、保安局長黎棟國,同埋創新及科技局長楊偉雄噚日都一齊打咗疫苗。

食物及衛生局長高永文早前已經接種咗疫苗,但噚日都有在場陪住官員。高永文提醒市民,6個月至未滿12歲兒童、傷殘津貼受助人都可以獲免費或資助接種,所有孕婦亦獲資助接種。截至周日(11日)已經有近50萬人透過以上兩項計劃接種咗疫苗。

其他報道:29歲女疑接受多針肉毒桿菌注射 眼瞼下垂、視力模糊及全身乏力入院

其他報道:【澳門禽流感】涉事南粵批發市場出入口已封 當局通宵殺逾萬雞鴿

相關字詞﹕編輯推介

上 / 下一篇新聞