港聞

【Emily Online】贊成譴責鄭松泰 蔣麗芸:你敢唔敢倒插你祖先嘅神牌? (22:58)

立法會議員謝偉俊(Paul)動議譴責熱血公民鄭松泰(泰博),話泰博將其他建制派議員枱上嘅國旗及區旗倒轉,不過人民力量議員陳志全(慢必)都有動議,要求立法會不得就謝偉俊嘅譴責議女案採取任何行動,今日立法會大會於是要先就此辯論。

其他報道:謝偉俊動議譴責鄭松泰倒轉國旗區旗 陳志全提動議阻行動

國旗事件事發當日曾經大聲喝止泰博嘅民建聯議員蔣麗芸(Ann姐),發言時表明反對慢必嘅議案,話泰博唔係3歲或者13歲,已經係個33歲嘅成年人,仲係為人師表嘅大學講師,但佢居然喺眾目睽睽下作出如此幼稚、唔尊重香港、國家同埋同事嘅行為,實在難辭其咎。

Ann姐憶述當日情況,話泰博趁建制派議員不在席,擅自將國旗同區旗倒轉擺放,佢哋發現後即時返去制止同警告,話畀佢知「你呢啲行為係錯誤嘅」,但當佢哋離開後,泰博就再將國旗倒插。Ann姐形容,由此可知呢個唔係誤會、玩吓或惡作劇,「而係有心、一而再、蓄意、公然」侮辱國旗和區旗。

Ann姐話,泰博嘅行為令全城市民譁然,「如果今次立法會自己唔執行家規,只會畀市民覺得立法會議員互相包庇,立法會議員可以為所欲為」。佢又質疑慢必話泰博係幾萬名市民選出嚟嘅講法,反問係咪選民選出嚟就做咩都得,仲話相信好多選民唔知佢會做咁幼稚無聊嘅事。

Ann姐話有市民認為,國旗代表中國人,「係幾千年文化歷史蘊藏在於此」。佢舉例,話假如可以倒轉國旗同區旗,他日有人準備咗泰博嘅祖先神牌,反問泰博:「你敢唔敢倒插你祖先嘅神牌呢?」Ann姐相信泰博唔敢唔會,認為今次事件都係一樣道理。

不過有心水清嘅網民就話,「中共何來幾千年?」仲諷刺反問解制派議員喺邊度讀歷史。事實上,五星紅旗係喺1949年9月27日誕生,同年10月1日正式啟用。

其他報道:【Emily Online】動議唔理謝偉俊譴責鄭松泰議案 慢必:國旗放低都唔得,要珍而重之直到佢自然分解?

其他報道:【Emily Online】胡官政綱讚CY?  首場文宣戰「甩轆」

相關字詞﹕鄭松泰 謝偉俊 蔣麗芸 編輯推介

上 / 下一篇新聞