港聞

下一篇
上一篇

【Emily Online】胡官政綱讚CY?  首場文宣戰「甩轆」 (16:33)

特首選戰隨住梁振英(CY)棄連任、林鄭重新考慮、財爺辭職同葉劉磨拳擦掌,開始愈來愈刺激,成為市民熱門話題。而早在10月底已先拔頭籌,話有意參選嘅退休法官胡國興,佢嘅政綱千呼萬喚終於出爐,今日正式公布。後ABC(Anyone but CY)時刻,唔少市民都有興趣睇睇佢仲有咩治港見解。

Emily都好期待,下晝提早去到胡官記者會場地,望住封面寫有「心要正、路要正、香港重回正軌」嘅胡官政綱,即時揭開睇睇,佢開首嘅宣言,由「香港百多年前是一條漁村」講起,從香港核心價值講到近年社會撕裂。

胡官一早講明覺得CY當特首做得唔夠好,政綱宣言上都見到梁振英個名,胡官除咗指出社會民生問題多多外,亦指中港關係緊張特首有責,但Emily發現,宣言之後竟然話「梁振英顯然有做好他的工作」,呢句明顯係讚緊梁振英工作,究竟點解會同前文有咁嘅對比呢?

問返胡官公關,原來係打漏咗個「沒」字,原句應該係「梁振英顯然沒有做好他的工作」,可謂差之毫釐。

其他報道:【特首跑馬仔】財爺辭職對工作影響大? 田少:讚曾俊華不是hea吓hea吓

其他報道:【曾俊華辭職】林煥光:對政府有影響但可以處理到

其他報道:【特首選委】大公:特首選舉非政治選舉 不能讓反對派干擾結果

相關字詞﹕編輯推介 特首選舉 胡國興 梁振英 特首跑馬仔

上 / 下一篇新聞