港聞

【Emily Online】商台主持指名字相似易叫錯 田少:讚就田北俊、鬧就田北辰啦 (12:34)

自由黨榮譽主席田北俊(田少)今朝上商台《在晴朗的一天出發》做嘉賓,主持陳志雲就叫另一個主持郭志仁介紹田北俊出場,話要睇吓佢會唔會講錯田少個名,咁郭志仁就梗係無講錯啦,仲搞笑咁話田少係節目客席主持添。

不過田少就搲晒頭,問佢哋點解無啦啦會講錯佢個名,陳志雲就解話,因為田少同細佬田二少、新民黨田北辰個名差一個字,好易叫錯,田少聞言即刻話:「最好讚就用田北俊啦,鬧就用田北辰啦,好嘛?」成班主持即刻哄堂大笑。唔知田少咁講,田二少會唔會唔開心呢?

其他報道:戀13歲師妹曾性交兼掌摑揑頸 中六生認非法性交及襲擊罪 判18個月感化囚2周

其他報道:涉超市偷蚊貼、喉片被揭發 女警否認盜竊 辯稱服藥不適未付款

相關字詞﹕編輯推介

上 / 下一篇新聞