港聞

下一篇
上一篇

【Emily Online】特首選舉新名詞:「奶粉」鬥「薯粉」 (20:12)

有資格選出下屆特首嘅1194名選委會委員名單正式出爐,800多名建制派選委亦開始盤算支持邊位參選人,其中政務司長、人稱官場「奶媽」嘅林鄭月娥和被暱稱「薯片叔叔」嘅財政司長曾俊華,係唔少選委嘅心水選擇。有政圈中人同Emily講,已有一些選委笑稱自己係「奶粉」,即林鄭嘅粉絲;另一派就笑稱自己係「薯粉」、即撐財爺,今屆特首選戰唔再係唐營鬥梁營,變咗「奶粉」大戰「薯粉」!

其他報道:稱曾俊華親電通知辭職 葉劉感謝對方有禮貌 重申將憑政綱實力爭選委支持

究竟建制陣營入面,邊啲係「奶粉」、邊啲係「薯粉」?由於自由黨榮譽主席田北俊已公開撐財爺,加上財爺崇尚「積極不干預」原則,相信「大市場、小政府」,故政界相信,一批商界選委會陸續加入撐曾行列,成為「薯粉」。

另邊廂,邊個選委成為奶粉則有唔少變數,有熟悉林鄭月娥嘅新任選委同Emily講,因為支持佢延續梁特首嘅「穩中求變」施政,待她一宣布參選,部份梁粉將變成「奶粉」,以示支持。

不過,梁營內部有不少其實為梁振英嘅親密戰友,與林鄭月娥並非稔熟,林鄭參選時其中一個考慮係咪太偏重梁營舊部,擔心被標籤為「梁振英第二」,成為非建制攻擊矛頭,故最終有幾多「梁粉」會做「奶粉」,仍有待觀察。

其他報道:【特首跑馬仔】曾俊華已請辭 明起休假 陳家強署任財政司長

其他報道:【曾俊華辭職】與曾蔭權哈佛結緣返港入政府 曾任港督彭定康私人秘書

相關字詞﹕編輯推介 特首選舉 特首跑馬仔 林鄭月娥 曾俊華

上 / 下一篇新聞