港聞

【Emily Online】被接管Page One六折清貨 網民:夜冷價六折算貴了 (17:58)

大型連鎖書店Page One香港分店上月中全線停業,其官方facebook停咗一個月後,今日突然出現新帖文,上載咗一張拍賣公司嘅海報,指即日起會喺葵涌一個工業中心單位,以六折價錢清貨,如有減價標籤會再有六折。

不過有意前往市民要注意,呢次清貨逢星期二休息,晚上7時後就收工,記得夾好時間以免摸門釘。

呢個新消息即時吸引唔少市民向網上朋友分享,有人好心急怕好貨一早賣晒,但亦有人以識途老馬語氣話:「夜冷價六折算貴了」,究竟抵唔抵買就要消費者自己衡量啦。

其他報道:稱因結婚擺酒及女兒出生致欠債 售貨員為1200元販毒囚22年 女親友傷心嚎哭

其他報道:行會接納各局長薪酬下屆調高12.4% 問責官員兩年半加薪近兩成

相關字詞﹕編輯推介

上 / 下一篇新聞