港聞

【Emily Online:當阿鼎再遇AY】鼎轟AY不慰問梁振英反落井下石 AY:辛苦你仲要保梁振英 (15:40)

《城市論壇》中午討論特首梁振英不連任事件,不時針鋒相對嘅公民黨楊岳橋同民建聯周浩鼎,再一次相逢,當阿鼎再遇AY自然又火花四濺。

相關報道:【梁振英不連任】周浩鼎:心情不好 長遠可見梁貢獻 楊岳橋諷:成功團結及分化港人

講到梁振英以照顧家庭為由決定不爭取連任時,自言沒因梁不連任感輕鬆嘅阿鼎,大讚梁功大於過,一再發言指不能將所有社會問題歸咎於特首。

AY即時反駁「辛苦晒阿鼎,嚟到呢個位都仲要保梁振英」,認為如梁功大於過,有能力帶領香港再起飛,就不會有上星期五的記者會。阿鼎反駁「咁人哋家庭有事,屋企出咗問題」,AY即表示「你信呢個係唯一原因,就等如相信當年(前特首)董建華因腳痛而下台,大家唔好再呃自己」。

阿鼎不滿AY,指摘他就梁的家事落井下石,「點解你唔選擇對他慰問呢」;AY則稱「唔緊要架周浩鼎,咁係你唯一落台階,令你咁多年硬撐梁振英,令到你宜家面子容易啲放下嘅,我覺得你選擇相信係情有可原」。

其後去到市民發言環節,阿鼎同AY又嚟料,當時「論壇之友」一名男成員發言指自己做生意都歡迎梁,突然話鋒一轉,話泛民係壞人搞港獨,指控泛民唔做就無錢收,主持人蘇敬恆即提醒發言人士,指講嘢要有證據。

接着發言嘅維園衝擊成員「大陸朱」朱韶洪批評梁振英玩鬥爭博連任,又指梁「整塊蕉皮畀(財政司長)曾俊華踩」,民建聯周浩鼎聞言即發聲講:「你無證據唔好亂講喎,係好嚴重指控」,阿鼎身邊嘅AY聽到,即忍唔住問:「頭先屈我哋又唔見你幫口?」不過阿鼎未有再回應。

其他報道:明報特首選舉專頁

其他報道:選委會各界別候選人名單一覽 宗教界60席已抽籤選出

其他報道:列舉任內功績 曾俊華回顧網誌:何懼前路新挑戰?願與大家共勉

其他報道:【梁振英不連任】留任下屆政府? 林煥光:長江後浪很強要讓位 拒評林鄭或參選

相關字詞﹕編輯推介

上 / 下一篇新聞