港聞

【Emily Online】署名採訪邀請寫錯自己名? 高達斌:會員做,可能唔係好認識我 (14:32)

愛港之聲成員下晝會去高等法院申請司法覆核,要求法院根據人大釋法頒令禠奪13名非建制派立法會議員資格。不過Emily發現,愛港之聲向傳媒發出、主席高達斌署名嘅採訪邀請,竟然寫錯名,將「斌」寫成「賓」。

其他報道:【短片:網上熱話】不忿被抄牌 女子指罵交通警稱會投訴 途人挺身撐警願做證人

Emily向高達斌查詢,佢第一個反應話「係咩?」之後佢分析,可能係會員手民之誤,「信件都係會員幫我哋做,所以可能唔係好認識我」。佢話自己無「check」過封信,「無理由自己個名都寫錯架嘛」。

高達斌又批評議員宣誓當食生菜。至於人大釋法,佢強調無破壞香港法治,反而部分律師等「唔尊重」亦「唔睇起」中國政府同《基本法》,破壞法治,「律政司阿頭都係,根本無尊重過基本法」,所以人大釋法係「逼出嚟」。

其他報道:自決? 梁愛詩:香港非自己決定制度 網上發表、言論自由致社會撕裂

其他報道:引特朗普勝選指網上觀感不可信 質疑特首多「嬲嬲」非事實 馮煒光:有人營造不受歡迎假象?

相關字詞﹕編輯推介

上 / 下一篇新聞