港聞

下一篇
上一篇

【Emily Online】特首今授勳 有人大頭蝦勳章跌禮賓府門外 (14:28)

今年總共有339人獲特首頒授勳銜及嘉獎,頒授典禮今日喺禮賓府宴會廳舉行。不過,Emily嘅同事喺現場發現,竟然有人嗰頭接完勳章,嗰頭就跌咗個章喺禮賓府外面,唔知邊個咁大頭蝦呢?

其他報道:財爺hea做?挺曾參選? 陳茂波感謝梁振英支持發展局工作

Emily聽同事講,事發約1點,當時來賓已走得七七八八,有人發現禮賓府門外地下有個勳章,於是就拎咗去警務室。Emily已經向警方查詢,警方晚上證實,一名男公職人員喺禮賓府執到個勳章,並將勳章交畀在場警務人員,人員其後再將該勳章交畀相關部門處理。

從個勳章嚟睇,勳帶係泥黃色,Emily就覺得似乎係銅紫荊星章,而今年一共有60人得到呢個勳銜架。銅紫荊星章係頒授畀長期服務社會並有傑出表現嘅人士,與銀紫荊星章比較,獲授銅紫荊星章嘅人士所提供嘅服務比較局限於個別範疇或方式。

其他報道:田北俊:葉劉「恨到發慌」惟朋友不多 轟梁振英不濟求助中聯辦

其他報道:黃國健不接受胡國興輕佻評佔中 鍾國斌讚「講大家想聽的說話」

相關字詞﹕編輯推介

上 / 下一篇新聞