港聞

【短片:胡國興選特首】胡指香港有責任廿三條立法:國內法律引入香港會「仲悲慘」 (16:49)

胡國興今午開記者會交代選特首詳情,會上被問及如果當選特首,任內會否推動廿三條立法,胡回應指,「可能啲人唔鍾意聽」,但就《基本法》而言,香港有責任立法,形容回歸19年仍未立法屬「唔妥當」,但指並非立即要做的事,可先收集意見。

胡國興表示,廿三條立法「直情係唔使驚嘅嘢」,因香港普通法一向都有類似的條文,如在街上宣揚拿刀斬人,亦屬煽動犯法,會被拘捕。

胡國興指,整本《基本法》只得廿三條是講一國兩制中的「一國」,原意是通過法律防止分裂國家,強調這是唯一一正式條文保障國家。他又談及泄露國家機密等行為,稱「嗰啲嘢如果你犯就抵」,而做間諜或出賣國家機密等叛國行為,「嗰啲又係抵死」、「無人做嗰啲嘢」,認為如果犯下應得到懲罰。

胡續稱,在英國撿石頭擲向女王或其他皇室成員已屬叛國,反問「香港有冇咁緊要啊?」直指英國法律比廿三條更嚴。

他又呼籲大眾不要憎惡廿三條立法,因如有人採取手段,將國安法、尋釁滋事等國內法律引入香港會「仲悲慘」、「仲難頂」,認為倒不如香港人在自己法律框架下,有商討和斡旋,達成共識和立法,「仲唔使咁驚」,因「自己人同自己人立法會公道好多」,有同樣核心價值。

相關報道:

房屋經濟無經驗?胡國興稱問題較小將諮詢 若政改原地踏步就一潭死水

胡國興60年代英國留學 回港投身法律界 曾任13年選管會主席

胡國興公布參選原因:梁振英不能消除港人怨憤分化 爭取重啓政改

胡國興稱無接觸過中央 曾見與國內有聯繫者得悉「中央無回應」

胡稱近日曾見中聯辦人士 對方建議赴內地教書無提選舉

胡官直言不怕黑材料 「我又冇包二奶」

評其他熱門參選人? 胡:無一個係我咁中立

胡:非接受人大831框架 應向中央誠實反映港人政改意向

指港獨違憲 胡官願接觸主張者聆聽背後理念

有考慮班底但未接觸 胡:若當選人才自會聯絡我

相關字詞﹕特首選舉 胡國興 廿三條 編輯推介

上 / 下一篇新聞