港聞

下一篇
上一篇

【Emily Online】李國章自認「本土派」 為人「霸道」只因做細唔大聲無人理 (11:42)

「本土派」一詞近幾年興起,主要指捍衛香港人利益嘅派系,不過擔任公職期間經常受到爭議嘅港大校委會主席李國章,都自認係「本土派」,仲話家族根源就喺香港。

其他報道:財爺函中央表態選特首?葉劉指若屬實是「冇禮貌」 稱曾俊華有財團支持

李國章接受立法會前主席曾鈺成喺商台節目《鈺成千里目》訪問,指其家族喺香港已經有6代,生活咗百幾年,笑言自己「真係本土派」。李國章家族好多專業人士同做公職,被問到係咪有做官文化,佢就話絕對唔係,只係家族一直都最重視教育,連祖父嘅每個女兒都係大學畢業生,又指家族四代嘅字輩就係「作褔國民」,不過唔會培養下一代一定要做公職,會讓他們「做自己嘅興趣,迫做一樣嘢無用」。

佢又話家族裏政見唔一致,甚至有完全唔同,但唔同意見無問題,「人人都同一個意見係好悶嘅事」,仲話大家唔同意見就可以吸納同反思。

被問到叫「沙皇」係咪代表佢性格霸道,李國章就講笑話自己做細佬,會畀人蝦,唔大聲啲無人理佢,又話教書一定有花名,「唔好做老師,如果唔想有花名」,但做教育應該要有自己宗旨同信念,要有膽量強烈表達出嚟,「咁人哋咪會覺得好霸道囉」。

節目中又提到問責制,曾經為教統局長嘅李國章就話,問責制概念非常好,唔只係公務員先可以加入政府,但關鍵問題就係搵咩人,「搵好嘅人入嚟自然搞得掂」。不過,佢就話香港愈來愈難搵人,3月先特首選舉,7月就已經上任,4個月內要組成整個班子。

李國章又話問責制度有唔清晰嘅地方,公務員已經係幫緊局長,但而家又分一批副局長同政治助理出嚟,「需唔需要兩隊人幫局長?」故認為制度要由頭再做過。

其他報道:葉劉自嘲「細黨」胡官未接觸 指胡自忖較能取泛民票

其他報道:曾鈺成:胡國興是有心服務的人 現不宜評論支持誰 

相關字詞﹕編輯推介

上 / 下一篇新聞