港聞

【Emily Online】反辱華示威者擺10圍飲茶 高達斌稱AA制:無話邊個請邊個 (18:55)

立法會主席梁君彥押後青年新政議員梁頌恆及游蕙禎宣誓,立法會大會今朝復會後發生混亂並休會。今日早上有幾個親建制的團體去立法會外示威,高呼「反辱華、反港獨」。喺立法會休會之後,啲示威人士好快就散晒。去到晏晝Emily喺灣仔富臨酒樓見到有兩派示威者,筵開10圍歎茶,當中着住正義聯盟衫嘅愛港之聲主席高達斌就話係成員夾錢食飯,「無話邊個請邊個」。同場嘅仲有由正義聯盟分拆出嚟、同李偲嫣關係密切嘅「全球熊貓會」𠻹。之後飲茶途中雙方突然起口角,搞到要警察到場調停。

其他報道:【短片+多圖:誓詞風波】邵音音現身反辱華集會 斥游梁不懂中國文化 多人攜《大公報》橫額參與

Emily喺現場見到,唔少人仲着緊印有國旗嘅衫,現場亦有擺放朝早啲示威物品。高達斌同Emily講,大家都係自己畀錢食飯,「無話邊個請邊個」。

正義聯盟鬧雙胞胎嘅事,早前鬧得沸沸騰騰,估唔到飲飲下茶,兩批人出現口角。事緣係有正義聯盟嘅人喺酒樓擺放咗一張曾任李偲嫣選舉經理、「全球熊貓會」唐因嘅改圖海報,仲大大隻字寫住「小心老千」,引起同場嘅「全球熊貓會」不滿,雙方繼而口角,需要警員到場調停。高達斌解釋,與早前涉及李偲嫣嘅內部爭議有關,但強調海報所寫嘅都是事實,唔怕畀人告咁話。

其他報道:【多圖】近千人立法會外集會示威反對青政議員再宣誓 支持梁君彥決定

其他報道:【押後游梁宣誓】早料今日混亂 葉劉稱若讓游梁宣誓都會亂

相關字詞﹕誓詞風波 編輯推介

上 / 下一篇新聞