港聞

【Emily Online】調查指結婚開支微跌 仍需30萬 酒樓人情增至700元 (22:25)

浪漫嘅婚宴嘅背後係需要龐大嘅開支少,有網上結婚資訊平台就結婚消費做咗個調查,發現2016年新人嘅結婚平均開支較去年跌4%,為302,226港元,而當中開支最大嘅項目同去年一樣,都係「婚宴酒席」,而今年酒店嘅人情就同去年一樣,係1000至1200蚊,但一般酒樓嘅人情中位數就由600蚊上升到700蚊喇!

【短片:清潔工倒水被票控】七旬婆婆自力更生 丈夫患癌子為傷殘運動員 工友盛讚工作勤力 

生活易網站今年訪問咗1245名喺2016至2018年間結婚嘅新人,今日發布咗《2016年全港結婚消費調查》結果,發現2016年新人嘅結婚平均開支為302,226港元,比去年下跌4%,回落到2013年嘅水平,當中「婚宴酒席」嘅使費最大,平均數係153,465港元,其次就係「結婚首飾及戒指」同埋「蜜月旅行」,咁多個項目都較去年嘅開支微跌3%至8%,只有「婚禮或婚宴攝影攝錄」同「化妝及髮型」嘅平均開支分別上升5%同3%。

婚宴酒席嘅開支大咗,但高級同一般酒店嘅人情就都係維持喺1200蚊同1000蚊,但今年一般酒樓嘅人情中位數就有升咗,由去年嘅600蚊上漲到700蚊,高級酒樓就維持係800蚊。調查就係咁講,不過唔知大家今年去飲嘅時候又會唔會有所調整呢?

其他報道:外判清潔工倒水被食環票控 目擊者指婆婆大哭求情不果 網民轟欺善怕惡

其他報道:小三英默書範圍兩大版 家長感量多艱深:小小虐兒的感覺

相關字詞﹕結婚 婚宴

上 / 下一篇新聞