港聞

下一篇
上一篇

【Emily Online】地鐵撩鞋臭親乘客 網民問:有香港腳? 長毛:估下先,2018年開估 (18:44)

而家科技進步,人人手上一部智能手機,行出街做乜都好易畀人影低放上網。立法會議員梁國雄(長毛)噚日就畀人影咗一張喺港鐵伸手指入波鞋嘅相,坐喺旁邊的女士好似感受到陣陣異味,立即掩鼻,相片仲喺網上瘋傳,唔少網民留言問長毛係咪有「香港腳」。長毛回覆查詢時話,當時只係拉返起隻襪,好短時間,至於係咪有香港腳,佢笑答:「估下先啦,我2018年開估。」

其他報道:製仿真機械人揚威國際 港男擬把研發經驗結集成書 望眾籌50萬圓夢

由網上瘋傳嘅相片可見,身穿招牌哲古華拉黑衫同黑長褲嘅長毛,坐喺港鐵車廂座位,將兩隻手指伸入左腳波鞋,坐喺佢旁邊的女士就掩住口鼻望住佢隻腳,好似感受到陣陣異味傳出,狀甚厭惡。

Emily問過長毛當時究竟做緊乜,佢話自己著咗船襪,隻襪滑咗落入腳板底,於是伸兩隻手指去拉返高隻襪,仲話全程無露過腳板出嚟㗎!對於有網民質疑佢係咪有香港腳,佢就賣咗個關子話:「大家估吓先,2018年先會開估。」

對於令到隔離位女士要掩晒口鼻,長毛話自己拉襪就好似人哋扣錯衫鈕要扣返啱咁平常,人哋要overreact(反應過度)佢都無計,不過佢就話唔想嗰位女士唔開心,如果真係令對方有嘢唔愉快,向對方講聲抱歉咁話。

其他報道:【觀塘延線通車】頭班車突煞停 港鐵指需時磨合盼包容 稱黃埔站滲水屬「正常」

其他報道:【圖輯】港鐵觀塘延線通車 200市民搶閘坐頭班車

相關字詞﹕編輯推介 梁國雄

上 / 下一篇新聞