港聞

下一篇
上一篇

【Emily Online 之 觀塘延線通車】馬時亨重遊故居愛民邨 有街坊呻去港鐵站行太遠路 (18:16)

港鐵主席馬時亨下晝試搭觀塘延線,順便試下由何文田站,行去自己廿幾歲住過嘅愛民邨,佢話每隔幾年就返愛民邨「尋根」。

其他報道:【觀塘延線通車】頭班車突煞停 港鐵指需時磨合盼包容 稱黃埔站滲水屬「正常」

主席去到何文田站A3出口,見到幾十人喺度等緊電梯上天橋行去愛民邨,於是索性唔等,行95級樓梯上天橋,一班傳媒連埋Emily梗係跟住主席行樓梯啦,結果行咗十幾分鐘,終於行完條橋去到愛民邨。

沿途唔少市民同主席合照,有愛民邨居民同主席直接對話,話去港鐵站太少指示牌,又話去黃埔唔會搭港鐵啦,因為行太遠路去港鐵站,主席就回應話,何文田站係畀居民多個交通選擇。

主席之後再行去以前住嘅昭民樓,唔少街坊都同佢握手影相,佢仲話辛苦曬傳媒朋友同佢一齊行,佢話由港鐵站行去愛民邨當做運動,又話自己住愛民邨嗰陣,要轉兩程巴士去中環返工,如果嗰陣已經有何文田站,佢會搭港鐵唔駛轉來轉去喎!

其他報道:【圖輯】港鐵觀塘延線通車 200市民搶閘坐頭班車

其他報道:【誓詞風波】盧偉國:大家關心宣誓風波 但對市民好重要的是經濟民生議題

相關字詞﹕編輯推介

上 / 下一篇新聞